الأربعاء، 9 سبتمبر، 2015

بابا حبيبي

وحشتني وواحشني كلامك  ..
فاكر لما كنت صغير
وكنت بحب أمشي أدامك
واهرب منك وتفضل عليا تدور
ولما كنت بتسافر الصعيد , وتركب القطر
وتقولي خليك إنت بعيد..
تعالي بس وصلني , وقولي أخبارك في سطر ..
بس ياريت بسرعة ومتطولش !

طيب فاكر لما كنت ببوسك ..
وتقولي خلاص كفاية
روح ذاكر انا عايزك تبقي شاطر
وتركز في دروسك .. 

حاجاتك لسه موجودة .. عبايتك - عصايتك - شنطتك - صورتك - ودولابك ..
لسه حبك جوايا .. عايش مامتش !

فين بقي اللعب و الفوانيس ؟!  و فين الكيس ؟!
بتاع الشيبسي , واللبان  
واللب الأبيض , والسوداني
فين العجلة اللي قلت لي هجيبهالك ؟! 
متقوليش أصلي خايف عليك .. مش هجيبهالك 
طيب وعربيتك  ؟! اللي قلتلي هديهالك ..
عشان تبقي أدام صحابك .. واحد فييس ..
وياريت متقوليش .. خدها مشْي أو اركب اتوبيس..
ده رخيص وهيوصلك في ثواني ..

لسه فاكر آخر سلامي 
وفاكر ابقى اسمع كلامي 
كنت بعاند وبهرب
بس كتير كنت بتعذب 
لما تقولي روح و جرب
بس امشي من أدامي
مسيرك في يوم تقرب
ولما أرجعلك بآلامي  
وأقولك عندك حق  
 إنت صح وأنا لأ 
تاخدني في حضنك وترق 
وتمسحلي كل أحزاني

أقولك على سر..
 أنا كتبت كتير عليك  بس كلامي مبيكملش !!
ألاقي نفسي ببكي ومستحملش
عارفك  هتقولي الرجل مبيعيطش 
هقولك يا حبيبي متقلقش  
محدش شاف دموعي 
بخبيها ومبتظهرش
ولو حد شافها
هقوله عينيا  مبتدمعش  
كل الحكاية إني بس
بقالي يومين تلاتة مبنامش ..!!

                                                    #عمرو_هارون

الجمعة، 8 أغسطس، 2014

زهرة الفريهان

في ملكوت الحنان المنان 
اسير كنصف انسان
حر طليق 
بلا اسوار تعيق

بعد ان زالت الاحزان
وبعد ان صاحبني النسيان 
ارتب اولوياتي بتنسيق

فبعد ..

لم يفت الاوان
فلست جريح مكسور
من جراح لا يفيق

فما زلت ابحث
في كل شارع وميدان
عن الحب العالق في الاذهان 
الحب الذي تقشعر له الابدان

ما زلت ابحث في كل القري والوديان
عن حب ليس له مثيل
عن حب لن تعرفه البشرية 
ولن تردده الاقاويل..

حتي وجدتها
تقترب برقة وحنان 
كفراشة تستنشق الرحيق
تقول : بمشاعر تثور 
 وقلب وحس رقيق ..
هل  ضللت الطريق ؟

اقتربت 
واستمدت عيني منها البريق
سمعت صوتا يهمس في الاذان
ما اجمل الصوت بلا الحان

قلت لها من انت ؟
قالت : انا من اقرأ لنزار وجبران
وأقف , واتأمل ما بين السطور
واكتب شعري باتقان
باروع واجمل شعور

قلت : أمن بلاد الشام ام لبنان
همست وفي وجهها نور
يشع منه اللؤلؤ والمرجان
انا في وطن من الاوطان

ومن أنت ؟؟!!
قلت : اناعاشق غريق
حائر .. في بحر بلا شطآن
سائر .. بلا هدف بلا عنوان
ساهر.. ابحث عن الحب والحنان
عن الحبيب والصديق

واستكملت ,,

 منذ قدم الزمان
وانا اقرأ لعلي وبشار وكعب وحسان
والمتنبي وعنترة ورميزان
وزهير وشوقي والاعشي باحسان
فما زلت احصد البذور
اشعاري وكلماتي لم تصل بعد للعنان
ولدي اسراريعتليها الكتمان

 قالت : من اتي بك هنا ايها الصديق
فقدومي لم يكن بالحسبان
اقتربت منها
 واقتربت مني نازحة
وانتابنا السرور
واستقرت عيني  في عينها 
دونا عن باقي الزهور
لاجدها سابحة  في بحر عميق ..

ها انا هنا حتي لا تنسي
اعرفك بنفسي
فانا بدونك ك حب منثور
عصفور مكسور
مشغول الفكر والوجدان
سأظل واقفا امامك  
وسأكون في منامك
 فتي احلامك  الانيق

قالت : تمهل
تمهل ايها الولهان
لا تندفع .
فمن الحب ما قتل
استمع ..
لقد اتاني الكثير منذ عصور
ومعهم الاموال والقصور
ويعزفان ويتغزلان
ليطيرا بي لابعد مكان

قلت لها :
 اعرف أن الزهور للزهور
 وليست للانسان
فانا لست مثل باقي الطيور
أو من يتغزل ببيتان
فعيناكي الجميلتان
تنذران
باجمل تعليق

 ردت بضيق ..
انت لا تعرف من انا ؟؟
ولم تسأل عني في البستان !!

ولماذا انا ؟؟؟
 وهناك زهور مختلفة الالوان

قلت لها لا يهمني العنوان
فلست مهتم بتفاصيل من جميع الاركان
فانت لي مثل زهرة الفريهان

تبسمت وقالت :
غريب وعجيب انت ايها الانسان
فبينك وبين من سبقوك  شتان
قلت.. لست من اتسلل خلف الجدران
 فبداخلي صدق ووضوح متجانسان

هيا بنا

نطفئي ما بداخلنا من نيران
نصنع ذكرياتنا من الآن
نعيد الامل والاماني الامان
ننسي ما مضي وما كان
ونقتحم كل الجسور

قالت وهي تحمل قيثارة وكمان
هيا بنا ايها الفنان
اعلمك لغة الزهور
ونستمع الي نحن والقمر جيران.
                                               
                                             #عمرو_هارون

الأربعاء، 25 يونيو، 2014

حكاية

هي حكاية انسان
تنفع قصة ورواية
وفيلم بالالوان
مالهوش نهاية

حكاية من غير تأليف
ولا غش وتزييف

حكاية حد حب
وكان حابب يتحب
ولسة بيدور علي قلب
علي قلبه خفيف

حكاية ليها العجب
ياللي بتسأل ع السبب
تقدر بمنتهي الادب
ومن البداية
تحذف وتضيف
#عمرو_هارون

الجمعة، 9 مايو، 2014

ناس و ناس

 في ناس تقولك لو حابب تكون مشهور وتطلع في النور خليك عكس الناس .. عشان تلفت نظرهم و تعرف تظبطهم وتكون ابن ناس. ساعتها هتلاقي اللي يهتم بيك ويلاغيك حتي لو كنت هلاس.

وناس تقولك اوعي تاخد بكلامهم  .. لوعلوا صوتهم حاول تسكتهم وفي مكانهم سكنهم .. ويا سلام لو تعرف تفهمهم وتغيرلهم وجهة نظرهم.

وناس تحب تتكلم علي طول ومتسمعش .. قطر ماشي مبيقفش .. تقولك خليك بس معايا .. انت في حماية متخافش .. مسيرك في يوم هتوصل متقلقش .. سيبني بس اقودك ومتسألش .. وادى الخريطة عشان متوهش.

وناس تقولك هكلملك فلان وعلان عشان يوصلك فوق للعنان .. وترتاح بقي في حياتك وتوصل علي قفا الغلبان.

وناس تزعقلك وترهبك وتقلبلك وشها .. مجرد بس تطلع غلها .. حتي لو علي عصفورة صغيورة لسه خارجة من عشها.

وناس ولاد ناس تقولك تعالي خد فرصتك .. انا هكون واسطتك .. توهمك انها حبتك لأ وكمان عشقتك ..تفضل سهرانة تكلمك ويا عيني تعشمك  .. عايزة توقعك وفي حبها تغرقك .. مزاجها يا سيدي توجعك .. شبعانة وحابة تجوعك.

وناس تدوس علي قلبك وبعدين تقولك هو انا جيت جنبك .. مش ذنبي اني عجبتك  ده انت اللي وهمت نفسك وافتكرتني خدعتك.

وناس تقولك خليك مبادر وبسيط توصل لقلوب الناس بالعبيط.

وناس تانية جميلة .. لساها اصيلة..  تقولك توكل علي الله .. اكيد طبعا ونعم بالله .. اسعي يا بني واصبر تنول , وذاكر انت بس .. هتوصل علي طول.
 وناس تقول وناس تقول.
وانت شايف وعارف من غير ما حد يقول إن غير رزقك مش هتنول.
لانك لو وصلت هتلاقي ناس كتير بيسمعوك
ولما تتكعبل ومش بعيد تتبهدل هتلاقيهم بيسيبوك
ويتكلموا عليك ويهينوك ومش بعيد يسبوك
بس انت عشان طيب و أهلك عرفوا يربوك
لسه بتحلم بناس حلوة بطيبتهم يزودوك وعارفين قيمتك وفاهمينك وفي بحر حنانهم بيغرقوك وتلاقيهم دايما جنبك حواليك بيضحكوك.
الناس دول موجودين .. جنبك قريبين .. فيهم الخير ماليهم .. شبعانين
دور عليهم هتلاقيهم .. لوغبت شايفينك ادام عنيهم
بيندهوك ويطمنوك بكل شوق وحنين.
#عمرو_هارون

السبت، 3 مايو، 2014

رسالة بلا نص


إلي اول من افكر في صباحي ولا أجد لوم .. إلي من تلازم فكري كل يوم ..
إلي من تحتل الفكر والفؤاد
إلي من تزيل من قلبي العناد
إلي من تحتلني بانفراد
إلي من اشتاق لها بازدياد ..
إلي الامل والاماني  والمراد ..
إلي اجمل لقيا بلا ميعاد 
إلي تاريخي الذي اصبح رماد
إلي من تراها عيني من جميع الابعاد
إلي من تسعي معي لتحقيق الامجاد 
الي من تمحو ما حدث لي من استبداد
إلي اجمل ما يحمله اسم من معان .. وارق ما يوصف من لمعان .. واروع نص بعنوان
إلي ليلي الذي اعتدت سهره .. إلي حبي الذي لن ينتهي عصره
إلي من اخاف عليها اكثر .. ومن انتظرها بجنون ليس اكثر
إلي الحب الجديد 
الي القلب الطيب .. النادر الفريد 
إلي اجمل ما رأت عيني 
إلي شاغلة فكري وذهني 
إلي الضوء الساطع .. الي من اكتب ولا اجد مانع .....

#عمرو_هارون

الجمعة، 2 مايو، 2014

يا للعجب

يا للعجب كوم الدهب  
ما بقاش يساوي عود قصب 
يا للعجب يا للعجب !!
عود الحطب بقي يسوي ملو شوال دهب 
رخص الدهب سوقه انضرب
ونزل معاه بيت الحسب 
وغلي الحطب سعره ضرب 
 بقي في المزاد عرض وطلب 
ايه السبب ؟؟
قالوا السبب ..
الدنيا .. واحوالها عجب ..

( من كلمات والدي مصطفي هارون رحمة الله عليه. )


حالة

والليل لو مر بظروف مثلي لشكى
والدمع الذي اقاومه لو سال لاشتكى
والصخر لو قاسي مثلي لتحرك وبكى
#عمرو_هارون